Thursday, November 18, 2010

Ang dawampu't tatlong utos ni prof

Unang araw sa Pan Pil, may paunang ratsada agad! Ayus! :) 
Sana may dedication, kaso hindi ko pa alam pangalan ng gwapo kong prof e, hehe.
Halina't talakayin natin ang 23 napapanahong issues na kinakaharap ng bawat isa sa atin ngayon. <ahem>


1. Divorce
          Para sa akin, dapat ipagbawal ito. Buti na lang ay nasa Pilipinas tayo.
- Unang-una, binabalewala nito ang sakramento ng matrimonyo.
- Binibigyan nito ng nosyon ang bawat isa na ang pagpapakasal ay parang mainit na kaning pupwedeng iluwa kung gugustuhin. Hindi tulad ng annulment na kinakailangan ng masusing proseso at matibay na rason para sa paghihiwalay ang Divorce. Basta't ginusto mo, tapos.
- Sinisira nito ang imahe't pundasyon ng isang pamilya. 

2. Gender Discrimination
          Lahat tayo pantay-pantay. Walang nakaaangat.
- Naaalipusta ang karapatan ng karamihan sa kababaihan. 
- Bumababa ang tingin sa mga transgender at homosexual.
- Mas dumarami ang pribilehiyo para sa lalaki.

3. Stereotyping ng ibang bansa sa Pinas!
          Huwag nalang siguro pansinin ang mga paninira't pang-aalipusta ng dayuhang bansa sa atin. Imbis, gawin natin itong kritisismo para malagpasan at mapaunlad ang mga ito. 
- Habang pinapansin kasi, lalong lumalala.
- Para lang tayong nagiging guilty kung papatulan pa kasi natin e.
- Bagama't nababahiran ang imahe ng Pilipinas dahil sa mga ito, maaari pa rin naman nating patuyan na sila'y nagkakamali! Kahit na tayo'y Third World Country lamang e may mga potensyal parin tayong nagkukubli. At kung minsan nababale wala pa nga. (Sayang!)

4. Pre-marital sex
         DAPAT IPAGBAWAL at supilin sa sistema ng lipunan.
- Binibigyang nosyon ang mga kabataan na ang sex ay para lamang maitawid ang pagnanasang karnal.
- Delikado sa kalusugan at maaaring mauwi sa teenege pregnancy.
-  Dadami ang populasyon! >:[

5. RH Bill
         (Katulad kanina) Wag sana itong mapatupad. Pleeeeease. Alam kong kagandahan naman ang intensyon ng ating mambabatas at ilang nagsusulong dito, pero sa nakikita ko, mas marami itong negatibong epekto.
- Merun namang natural family planning, katulad ng calendar method. Bakit hindi nalang iyon? Tsk4. (Patience is a virtue. Hehe)
- Alam kong hindi lang pamilya/mag-asawa ang makikinabang dito, pati narin ang mga magkasintahan.
- Ang pagtatalik ay magiging pampalipas oras at bagay na lamang sa mata ng karamihan. Mawawala ang essence nito!!!

6. Homosexuality
         Wala naman tayong magagawa dito hindi ba? Kung yun sila, bakit nating pipilitin magbago? Respetuhin natin ang kanilang pagkatao.
- Naaalipusta ang karamihan sa mga homosexuals. Kung sa tingin ng iba ay mapipigilan nila ang pagdami nito sa pamamagitan ng dahas, nagkakamali silaaaaaaaaa! Nyahahaha! Pero seryoso, hangga't wala silang natatapakang ibang tao, hayaan natin sila.
-As far as we are concerned, hindi naman tayo apektado ng kanilang sexualidad ah. Kung mapabago natin sila, sa tingin ko wala parin namang gaanong magbabago, umiikot padin ang mundo sa loob ng 24 oras. 
- Bakit sila lulupigin? Ang saya kaya nila kasama! Isang patunay na nakaaambag sila sa lipunan! At saka they have views on both worlds, baka mas naiintindihan pa nila ang mga bagy-bagay kesa sa mga straight girls and boys.

7. Terorismo sa bansa
         Hindi naman ganon kabigtime ang Pilipinas para puntiryahin ng mga terorista. Ngunit, kinakailangan padin namang mag-ingat, at sanay patuloy ang pagbibigay ng awtoridad ng seguridad sa pamayanan.
- Nakaaapekto sa turismo ng bansa.
- Nakaaapekto sa investments dito sa Pilipinas.
- Bumababa ang pagtingin ng ibang bansa sa Pinas at pati narin sa mga Pilipino.

8. Pagtataas ng presyo ng gamot
         Sana naman ay hindi na matuloy ito. Dagdag pasakit nanaman sa sambayanang Pilipino. 
- Marami na ngang naghihirap at nangangailan ng gamot, tapos eto pa. Ganun ba talaga pag mataas ang demand? Grabe. 
- Sana iba nalang ang patawan ng mas mataas na buwis katulad ng sigarilyo, alak, atbp tutal naman in-demand din sila. 
- Ito na ba ang solusyon sa lumalalang populasyon ng bansa? 

9. Pagtatalaga sa SK
         Hindi lubos naiintindihan ng mga kabataan ngayon ang totoong layunin ng pagtatalaga/pagpili ng mga kapwa nilang magsisilbi para sa Sangguniang Kabataan. Kung kaya naman, ang nagiging laban na lamang ay popularidad at impluwensya. Kung hindi man ito bubuwagin, sana nama'y nasala rin ng mga husto ang mga nominado para sa posisyon.

- Sa totoo lang, sa opinyon ko, at para na rin sa karamihan, hindi ramdam ang pagkakaroon ng SK sa kanilang baranggay. 
- Sayang ang budget na nilalaan para sa kanila kung napupunta lang sa wala. Masasabi kong swerte na ang mga bayang may matinong SK. Haha! Hindi talaga ramdam e.
- Dapat kasing magsilbi ding ehemplo para sa pagbabago ang mga ito e. E kalimitan kung sino pa yung drop-out, tambay, at syempre sikat, yun pa ang nahahalal. Walastik! :) (In various cases lang naman yan. Di ko po nilalahat.) 

10. Legalisasyon ng Jueteng
         Hmmm, bakit nga ba masama ang Jueteng? Kasi sugal? Sa kin, pabor ako dito. At least, legal na at hindi patago.
- Nkakatulong ito sa mga maliliit na pamilya. Yan ang realidad. Alam ko iyon dahil dati ito raw ang bumuhay sa pamilya ng lolo't lola ko (mother's side :P).
- Para saan ba naman ang tig-pipisong pantaya? At least hindi sila gumagawa ng masama para maiahon ang sarili sa hirap.
- Dagdag kita sa pamahalaan dahil sa tax!  

11. Hazing
         Hindi ako sang-ayon dito. Sana itigil na ang ganitong gawain. 
- Pagsubok ng pagkakapatiran? Grabe naman, 'tol! Sasaktan mo kapatid mo?! Sana ibang pagsubok nalang, yung walang masasaktan. Pwede namang subukin ang katapatan sa ibang paraan diba? 
- WALANG NAIDUDULOT NA MABUTI.

- Sobrang dami na ng namatay dahil dito. 

12. Facebook
         Dahil nga sa ito'y nagiging instrumento sa kung anu-anong karahasan katulad ng cyber bullying, pornograpiya, at iba pang panloloko, marami ang ayaw sa social website na ito. Pero para sa akin, pabor parin ako dito. 
- Wag sisihin ang facebook sa natural (o masamang) na kapasidad ng tao. 
- Nakatutulong pa ito sa pagkukone-konekta ng mga tao.
- Nasa disiplina lang sa sarili yan. Ang lahat ng sobra ay nakasasama. 

13. Sex Education
         Sang-ayon ako dito.
- Mas maganda ito ng nagiging aware ang kabataan sa realidad ng buhay.
- Kasama ng tamang paggabay ng magulang, ang itinuturo sa paaralan ay magsisilbing leksyon sa kanya panghabambuhay.
- Mas mabuti ng maaga palang ay nalalaman na ng bata ang consequences ng maaari ng gawin sa kasalukuyan. 

14. Ang patuloy na pagtaas ng presyo ng langis
         Sa aking palagay, ipinapataw na lamang  ng mga oil companies ang danyos na kanilang nalugi dahil sa tumagas ng langis mula sa pipeline. Dapat nang makialam ang gobyerno.  
- Hmm. Sobrang dami ng maaapektuhan kabilang na ang mga drivers at pasahero.
- Sabi nila hindi pa daw nauubos ang suplay natin ng langis, pero bakit patuloy ang pagtaas ng presyo? Trip lang ba nila ito?
-Tuluyang maghihirap ang sambayanang Pilipino! Sana umaksyon na ang gobyerno dahil may karapatan sila dito!

15. Government Transparency
         Sobrang OK ito. Saludo ako kay PNoy. Walang secret! Except love life. 
- Nalalaman natin ang katiwalian sa gobyerno. 
- Lalong nakukuha ng kasalukuyang gobyerno ang simpatya ng sambayanang Pilipino dahil sa transparency ng kanyang pamamahala.
- Bukas ang ganitong uri ng pamamalakad sa mga pagbabago at hinaing upang mas mapabuti pa ang sistema ng pamahalaan.

16. 12-year basic education program
         Hindi na ito kailangan.
- Kung sa tingin ba nila e madadagdagan ang interes ng mga bata sa pag-aaral sa pag dadagdag ng 2 pang taon? Nagkakamali sila. Ang dapat, kalidad na guro at mga pasilidad at higit sa lahat, gabay ng magulang
- Kadalasan, nasa estudyante ang problema. Kundi pinansyal, ayaw lang talga nitong mag-aral kaya walang natututunan. Mahirap pilitin ang ayaw! Abah!
- Mauuwi lang ito sa undergraduate students. At marahil low employment rate na rin. 

17. Visiting Forces Agreement
         Bakit maraming ayaw dito? Benefits din naman natin ito kahit papano. Sang-ayon ako dito.
- Unang-una, pinapaalis nila yung mga Amerikano dito? Hala! E kung mga Pilipino kaya ang paalisin sa Estados Unidos, edi mas malaking problema pa.
- Nakatutulong din kaya ito sa relasyon ng Pilipinas sa US. Isa pa, tinutulungan nila ang bansa natin.
- Sa uulitin, hangga't wala silang natatapakang Pilipino, hangga't di sila nakakasakit, bakit natin sila pwersahang paaalisin? 

18. Jh3j3mH0n
         Big deal? Sa 'ting mga may kapasidad ng mag-isip, hindi na masyado. Pero sa mga kabataan at mmmm.... medyo hindi masyado nagagabayan, delikado sila.
- Naaapektuhan kasi ng Jejenese ang paraan ng kanilang pagsusulat, at maaaring sa kalaunan ay maging normal na sa kanila ang ganito. 
- Mahirap na rin namang mapigilan ang ganito dahil sa teknolohiya natin ngayon. Ang tanging magagawa nalang siguro ng karamihan ang tamang pagturo ang paggabay sa mga batang ito.
- Pero sabi ng iba artistic way lang daw nila 'to kaya hayaan na lang siguro natin sila. Wag sana silang apihin ng mga Jejebusters. :(

19. DOTA (o kahit ano pang laro yan)
         Marahil ang pagkaadik sa kompyuter games ang isa sa mga lumalalang problema ng magulang sa kanilang mga anak. Tamang disiplina lang ay kelangan. 
- Whooops! No. 1 enemy ng mga nanay at girlfriends ito! Makibaka! XD 
- Nakakasama rin sa kalusugan ang labis ng paggamit ng computer.
- Minsan-minsan kasi kelangan din ng estudyante ng break. Yun nga lang sumosobra. Sa huli, gabay padin at matuwid na pagdidisiplina ang solusyon sa problemang ito. 

20. CRS
         At tuyot na ang brain cells ko, ito na lang, ang problema namin! XD As in define problema. Yun na yun. Ano kayang problema sa crs, ambagal ng serbisyo! 
- Bakit ganun, first year palang naranasan ko na ang lahat ng mga ito? :( XD akala ko ba priority? Ahuhuhu. Isa itong argument!!! hehe. 
- Tapos sa first day po, hindi maayos yung mga instructions (lalo na yung nag guide sakin). HUHU! Tumagal ako ng ilang araw!
- Pagpila palang an sakit na sa bangs! Sana mapaayos pa ng UP ang sistema ng pag-eenrol. :D 

21. Chain mails
         One word: IGNORE! 
- Wala namang mangyayari kung ipapasa mo yung message na yun e. Nagsasayang ka lang ng panahon. 
- Ay, grabe pa yung isang nabasa ko. Kasalukuyan daw nakikipag laban si Gouku kau Majinbu, itaas daw ang kamay para makacontribute sa enegry ball. Ano ako, bale?! Grabe, isang malinaw na ebidensya ng panloloko. XD
- At yung ibang mga mails na layunin lang e manloko, click spam or delete. Certified walang mapapala!

22. Ang hindi pagbibigay ng assignment tuwing Friday
         Tama ba 'to? Siguro dati nung HS pa ko, tama ito. Pero ngayon? Hindi siguro. XD joke! Hindi solusyon ang hindi pagbibigay ang gawain sa Biyernes at hindi dahilan ang family days para dito sa usaping ito. Pwede namang magbigay lang ng kakaunting takdang-aralin para kahit papano e may matitira pang oras para sa pamilya di ba? Marami pang ibang solusyon e, marami pa.
- Magiging mas lalong tamad lang ang mga bata. 
- At nakasisigurado ba tayong sa family time nga nalalaan ang mga bakanteng oras na yon. Baka tumatabay nga yung iba dyan sa kanto, o naglalaro ng kompyuter, o gumagala, o baka nga umiinom pa.
- Sinong nakaisip nito? Parang di pinag-isipan ng mabuti. 

23. Voltes V
         Last but not the least, ang issueng karirinig-rinig ko palang kanina, ang mga prof na nagpapaulan ng singko, o kilala sa tawag na Voltes V!!!! Grabe wala silang puso!!! Iwasan hanggat maaari. XD
- Sana man lang may considerations sila, 3.0 for di eport. :( 
- May ibang todo effort na pero 5.0 padin, at saka yung iba trip lang magbigay, it's unpir. Sana pantay-pantay, kasi kay God nga po pantay-pantay, dapat satin din. XD
- Tiyak akong mahirap silang iwasan kasi kadalasan concealed sila sa CRS e, swerte mo na kapag nakakuha ka ng prof na  gwapo at mapagbigay at masayahin at super bait sa isang subject mo, e.g. PanPil 19, na mataas magbigay ng grade lalung lalo na sa reaction papers! :D


Ayan! Mula sa seryosong usapan hanggang sa kung anek-anek! :)
Ito po lahat ng bumabagabag sa aking damdamin mula kaninang gabi! Ang 23 utos ng prof ko, bow.

No comments:

Post a Comment